قصص

لحك وغطاه الجزء الحادي والعشرين لحك وغطاه الجزء الحادي والعشرين خونا عندو واحد لوجه سبحان الله مكيبانش واش جاي ياخد فلوس لكرا ولا يعطيهم وجهو ممغوبش مضاحك كتحير لمهم طلعت معاه غادين محركين مهضرش معايا كاع حتى أنا مهضرتش أصلا مدرت والو لمهم وقف قدام واحد لمطعم دخلنا خونا بدا كيخشي فوجهو عاد بدا يهضر قاليا عجبتيني لبارح كتباليا ضريف وساهل يضحك علك لواحد كتفكرني براسي فاش كنت صغير داكشي علاش بغيت نوقف معاك راك ممحتاجش نوح شيك دلبارح كان خاصك ن تا تاخدو كامل حيت نتا لي درتي لخدمة كلها علاش غتبقى تقسم معاه؟؟ رتاحيت ملي عرفت بلي غير على ود هادشي باغيني فلول قلت ليه بلي نوح هو لي دخلني لهادشي وكنتريني عندو كلشي عليه.. خونا ڭلع ليا لخاطر دلماكلا متعرفو واش ميفطر ولا كيقطع فشي يهودي سيد زربان قاليا غير هضرة تقدر من دبا تمشي لصال حسن ويدربك شي واحد محسن بقل من داكشي لي خدا نوح بزاااف.. خونا بحالا عارف بلي كينا شي حاجة بيني وبين نوح وكيباليا بحالا باغي يعاوني سو عاودت ليه لي كين من لول وبلي درية لي دارت هادشي هيا لي شافها واقفا معايا صباح خونا وهو يحبس لماكلا دفع طبسيل شوي...

لحك وغطاه  الجزء العشرين لحك وغطاه  الجزء العشرين قاليا أولدي قلتلك شنو كين غير كنت محنسر ففلوس بزاف واحد نهار جربتها صدقاتلي صافي بقيت كنتطور فهادشي بشويا بشويا حتى ولا هاد براهيم لي قدامك ولكن غادي نحبس إن شاء الله وغادي نهبط لبلادنا ندير شي حاجة تما نكفر بيها على هادشي شي جامع ولا شي حاجة نتبرع بفلوس تبقى صدقة جارية بعد منموتو عالله يغفرلنا بيها الله. بقيت كنشووف فيه واش هدا متيق هاد لهضرة لي كيقول ولا كيضحك عليا هادشي معرو ف قلييييل لي كيقدر يعبد عليه وحتى إلا بعدو واحد شويا مكيقدروش وتيرجعو راه كان قالها واحد راجل كبير الله يرحمو شيخة معمرها تنسى هزت لكتف ولا طرف(دلخبز!؟) معقلتش بالضبط لمهم أسيدي وصلني لدار ليلة زوينة هادي سيد صافي عاشرني و ولا عارفني فاش خدام ومبقالي والو ونتهنى من نوح موراها غادي نرجع لبلاد نشوف شي خدمة زوينة ونديرو حتى حنا دارنا لواليد راه كالي ودني بهاد لموضوع.  دخلت لدار بارك مع دري حميد تنهضرو قاليا بلي خلص لكرا حبدت بزطامي عطيتو داكشي لي جاني وبقينا كنهضرو شحال مبقيت جيت لدار سو مبقيتش شفتو لمهم عاودلي بلي تلاقا بشي غاوريا وباغي يز...

لحك وغطاه  الجزء التاسع عشر لحك وغطاه  الجزء التاسع عشر غير تخايل معايا كنت كنتوقع نشوف أي واحد فديك لبلاصة ممكن لواليدة تاخد كونجي وتجي كلشي ممكن ولكن داك سيد مستحييل.  أودي ااودي على نسيب لي كنتعنا قدام لعائلة لحية ودين ونهار ومطال وهو يعطيني نصائح طلع قميمير وكنتعناو بيه زعما ياااع. دخلت لداك لبيت مبغيتوش يشوفني لقيت نوح وداك سيد لي جايبنا قلت ليه خويا مغاديش نلعب قاليا كيفاش واش كتضحك؟ مجاتش نقوليه مغاديش نلعب وصافي هكدا سو قلت  ليه لي كين وبلي مبغيتش خونا يشوفني سيد الأخر وهو يقولي معندها معنى تمشي ضروري غادي يدوزو تصويرتك فشاشة دبا مع ناس لي غيلعبو ليوم هادشي إلا مكانوش ديجا دوزوها.  بقيت تنخمم صافي كيفما بغات تخرج تخرج غادي نمشي عندو نهضر معاه أنا لول قبل ميشوفني داكشي لي درت وقفت عليه مفهم والو مسكين تخلع وجهو تزنڭ مبقلش عارف شنو يقول قالي أ ا ولدي ياس ين عاش من شافك شنو كدير هنا؟ دخلت معاه للموضوع نيشان قلت ليه لعميم خود راحتك حصلنا بزوج أنا عرفتك فاش خدام ونتا عرفتيني فاش خدام، قاليا لا كي فاش شنو خدام نتا أنا غير دايز وصلت معايا واحد دوم...

لحك وغطاه  الجزء التامن عشر لحك وغطاه  الجزء التامن عشر راجع لدار وأنا حااقد ديال بصح دري مسكنو معايا ومدار فيها ميصلاح مشا عاود للحية كلشي.. وصلت لدار لقيتو بارك كيتفرج وأنا نبدا نقي ليه ودنيه فعايل ديال ل.  خونا داير فحالا موقع والو ومفراسو والو كون مدرتش بوجه نسيب كون صلختو غير جاني الأخر دوا معايا زوين وصافي موقع حتى مشكل غير نقيتلو ودنيه وقلت ليه متعاودش تهضر مع مي من ليوم دخلت لبيت عندي بارك شاد تيليفون تنهضر مع آية قلت ليها ب اك راه عرف ولكن طلع فشكل قالت ليا أه راه أنا لي قلتها ليه قلت مع راسي يسمعها مني أنا حسن متوصل ليه من شي جهة أخرى عاودت ليه كلشي إلا فاش خدام نتا حيت. بلاتي بلاتي رجعي شويا لور واش غير مسمعتش مزيان ولا بصح قلتي بلي نتي لي عاودتي ليه؟ قلتلي أه كيما سمعتي أنا لي عاودتليه شنو كين حسن ما يعرف من. أهداي صافي حبسي منبعد ونهضرو.  قطعت عليها خارج لعند دري نقوليه يسمحلي لقيتو جامع صاكو وغادي خارج جريت ليه صاك واش منيتك خارج نقولك سمحلي راه غلطت عاد هضرت مع درية وقالتلي بلي هيا لي عاودات لباها و.. خونا والو صافي كاعي ديال بصح هزيت ج...

لحك وغطاه  الجزء السابع عشر لحك وغطاه  الجزء السابع عشر سيد تصور عليا تصويرا خاسرا قاليا تفرج تفرج ومدلي جاكيط ناريي معمري شفتو مطايف كيعاودولي بلي نوح قبيح ولكن معمري حضرتلو، حليت عينيا مزياااان مغاديش نرمش باش منزكلش شي لقطة دخلو بزوج لتما غير قالهم سيد بداو وهوما يبداو كيخلطو فبعضياتهم.. نوح عندو شيي ضربات كنسمعهم فودني ولكن لأخر مساهلش حتى هو كيضرب كيباليا صافي نوح لي غالب صلع ولدلهم وهو يزرب عليه ضربو لكتفو لي مضروب فيه شحال ها دا يلاه باغي يعاودو وهو يعلق خرج قاليهم منقدرش نكمل بديت كنضحك عليه ههههه صافي حسيتي بيا شويا دبا؟ كنشوف فصلع كاعي كيتسنا شي واحد أخر يبرد فيه غدايد لهربة لي هربليه نوح كنتسنى شكون هاد لمسخوط لي غيدخل لعندو وهو يدفعني نوح ياااع رخيت دفاعات ديالي نسييت راسي ضرت كنشوف فيه منيتك؟ عودتاني؟ قاليا هاد لمرة رد معاه لبال ومتخليهش يطيحك بقاو واقفين..  هضرتو كلها كتدخل من ودن وتخرج من الأخرى سيد راه وليت كنخاف منو إلا شفتو فحلم فليل كنوض نتوضى عاد نرجع ننعس ونتا كتقوليا لعب معاه تاني واش هربلك ولا شنو غادي خارج من تما وهو يوقف قدامي قالي...

لحك وغطاه  الجزء السادس عشر لحك وغطاه  الجزء السادس عشر خوتنا وصلو بزربة هاد نسيب المستقبلي عندي طلع باغي غير يتهنى من دري جابو لعندي طيارة، لمهم حليت ليهم لباب سلمت عليهم كيباليا دري ضريف ولكن منتيقش معمري غنعاود نحكم على بنادم وندير تقة وأنا مزال محليتش حتى حريرة دوك تصاور. سيد غير جاب دري وبغا يمشي قلت ليه بقى تشرب شي حاجة جاوبني بلي عندو شي خدمة وخاصو يرجع لتما بزربة قالي منبعد ونهضرو. خرج بقيت أنا وخونا سلام سلام تعارفنا منين ج اي شنو كنتي كدير.. وصلات لوقيتا ديال لصال بدلت حوايجي غادي خارج مشيت لعندو بعدا دويت معاه تلاجة عامرا كلشي كين فدار عطيتو نمرتي باش حتى إلا وقعات شي حاجة يعيطلي كنفهمو فصواب حنا، خرجت وديك ليلة لي زعما راد لبال مع وجهي كتر ومخبيه عاد كليتها فحاجبي مجيت فين نخرج ونطلع مع نوح حتى تنفخات ديك لبلاصة وبدات كتزراق وصلنا لدار قاليا صبر معرفتش علاش كيقبل فطوموبيل بقيت كنتسنى شويا وهو يهبط هاز فيديه زيزوار خلعني شنو غدير بهدا؟؟ قاليا دم مجموعلك تما غادي يخصها وقت باش تبرى فايتلي تضربت بحال هكدا غادي نحلها باش تتفش..  تحلها؟؟ راه عيني هادي أ...

لحك وغطاه  الجزء الخامس عشر لحك وغطاه  الجزء الخامس عشر لخلعة سيد فاش غادي يكون باغيني وشنو لحاجة لي تخليه يتسناني تال هاد لوقت ولمشكلة أنه باينا فيا كنت مطايف وضربة فحاجبي باينة غيبدا يسول فيا مالك وفين وأنا منقدرش نقول ليه باغي نخلي ديك صورة زوينة ديال دري نقي لي جاي يقرى وخدام بما يرضي الله.. ضربة دورة عالمية لباب تاني طلعت لدار غسلت وجهي طليت تيباليا مزال كيتسناني ضربت كاسكيطة هبطتها على عينيا شويا وقبية فوقها عاد نزلت خرجت من ن فس لباب زعما راه يلاه جاي درت براسي مشفتوش غادي قاصد لباب وهو يعيطلي قاليا ياسين ولدي سلام..سلمت عليه وعرضتو يطلع لدار معاودش معايا لهضرة طالعين وداوين قاليا كتعطل بزااف فلخدمة وطريق خايبة رد بالك ولا بدل لخدمة أخرى.. أنا داير فيها ضريف وصباار راه نسيب هدا إلا مصبغتوش شكون غنصبغ دخلنا لدار قلت ليه شعل تلفازا ورتاح دخلت للكوزينة عصرت ليه واحد لقهوة دايزها لكلام عاد بركنا بدا كيسول فيا بشحال كاري و واش كين صداع فهاد لعمارة أنا كنجاوب ومعارفوش لاش باغي يوصل وهو يسولني تاني واش مساكن معايا حتى واحد و واش كيجيو عندي صحابي ولا صحابات فلبلاصة جاوب...

لحك وغطاه  الجزء الرابع  عشر لحك وغطاه  الجزء الرابع  عشر معرفتش شنو كانو دايرين ليا فداكشي لي كميت تا صدقلهم هاد بلان دليهود مبقيتش عاقل على قرايتي ولا خدمتي والو غير بارك فبلاصتي وتنفكر لخاطر دلماكلا مبقاتش. دار معايا فديك لعشيا غنتلاقاو فلصال أنا غادي وداير فبالي غنهضرو بالعقل نفكو لمشكل غير وصلت وقف قدامي مصبرتش ردوني مكلخ قلبولي لقفة على راسي معمري تصيدت بحال هاكدا، كيف وقفت أنا وياه وبدا كيضحك معقلتش على راسي تا طيحتو وكندخل ليه  خونا غير كيضحك مخليني كنضربو محبسش ضحك جروني عليه دراري بزز وهو يوقف قاليا تبعني تبعني لبيرو داكشي لي درت دخلنا لتما خونا حابس ضحكة غير بزز قاليا برك برك برد شويا بديت تنسب فيه ما شي فعايل ديال رجال تاني مرة كتضحك عليا لمرة لولا تسببتي ليا فقتلة ديال لعصا ودابا فضيحة..  سيد مزال عندو لوجه لي بهضر معايا ويشوف فيا قاليا دبا سير بدل حوايجك غتلقا شي حوايج زايدين فلحمام عندنا بزااف دلخدمة.. بقيت بارك فبلاصتي وتنشوف فيه نوح راه مغاديش نتحرك عندي خدمة وقراية وقتي عامر منقدرش نرجع لخدمتي معاك داكشي ماشي ديالي منقدرش نمش...

لحك وغطاه  الجزء التالت  عشر لحك وغطاه  الجزء التالت  عشر لمهم غادي عند نسيب لمستقبلي غير قربت لدار وهو يصونيلي نوح مجاوبتوش مفيا ميهضر معاه درت تيلي فجيبي وقصدت دار خوتنا كنصوني فلباب ديال دار وهو يجاوبني لحية قلت ليه أنا ياسين من. مخلانيش نكملها قاليا مرحبا دفع لباب ودخل داكشي لي درت دارهم مصرووعا بجهد أنا عايش فقفص زعما ميعطيونيش شي بيت نعيش معاهم حسي ميخرجش. لمهم تلاقيت بيه سلام سلام دخلنا لواحد صالون باركين غير بزوج لا بنتو لا مر تو أنا قلت صافي لحية غير كنت غالط فيه طلع كيغير مزير لقدية رجال بوحدهم ونسا بوحدهم غنتعشاو راس فراس بحال شي هوامل زمعا بنتو راه طالقا شعر والله أعلم أنا راه داوي معاه وكندور هادشي فدماغي فنفس لوقت سيد كينصح فيا شوف نصحك بتجارة حلال وفيها لبركة ناري هاد لحاية كيموتو على لبيع وشرا أرا شي ملابس داخلية واكسسوارات وعطور هنا ولكن سيد ملعق بروجولا..  مزال داوين وهيا تدخل مراتو سيدة مبشورة عاد عرفت درية لمن طالعا معرفتش واش نقول غير سلام ولا نمد يدي ولا شندير راجلها حدايا نخاف تضربها ليا لشي قمعة وناوي نتناسب معاهم زعما عمرها ت...

لحك وغطاه  الجزء التاني  عشر لحك وغطاه  الجزء التاني  عشر سيد كيهضر بحالا داخلاه لموت وكيقوليا كسيدة صغيرة ديك صافي مبقيتش عارف واش نكمل طريقي نطلع لدار ولا شنو ندير ها وحدة من سلبيات تخوي لبلاد قلت ليه صافي غادي نرجع نشوفك وهو يحلفلي والله وتجي تا نسخط علك قابل قرايتك أنا راه بيخير، صافي ملي بيخير غنصوني لك فيديو وجاوبني قاليا ياسين مك بزز باش مخلياني نهضر غنعطك هضر معاها سير قابل قرايتك أنا راه معندي والو إلا جيتي وخليتي قرايتك غاد ي تكعا معايا مكنتش كاع باغي نقولها لك غير مك لله يهديها قالتلك ضروري تهضر معاه. دوز ليا لواليدة سمعتها كتسد لباب وخرجات لشارع عاد هضرات معايا أنا عينيا ديما معطلين عااد بديت كندمع قلييل فين كنبكي حيت عارف بكايا خيب كنبدا نتنخصص. لواليدة عصبتها هيا كتقوليا سكت أنا عاد كنزيد فيه وليت بحال شي دري صغير بنادم غادي فشارع كيبقا يشوف عارف بكايا خايب طلاع فدروج وكنتغبن لالا نجي نجي لواليدة شعلتها ديال بصح وهيا تقطع زعما قطعات باش نسكت زعما أنا عاد زدت فيه غير بوحدي لحال راه كيجبد ومن شحال وأنا كنجمع فيها واحد شويا وهيا تدخل درية لي معايا ...

لحك وغطاه  الجزء الحادي عشر لحك وغطاه  الجزء الحادي عشر لمهم خونا جا لعندي تاني برجليه كونما قدام لجامعة ومباغيش نخصر وجهي مع لإدارة مغاديش نخليه يضهر غادي نشعل معاه ولكن جا فوقت ماشي حتال لهيه وقفت معاه سلام سلام سولني كيف بقيت شحال داز باش تضربت عااد تفكرني قلت ليه مزيان وسكت غير شفتو كيتمتم ومعارفش باش يبدا عرفتو باغي شي حاجة قلت ليه هضر بزربا معنديش وقت قاليا صافي ملي معندكش وقت حتال من بعد وندوز لعندك ونهضرو، جيتو نيشان مباغيش  نعاود نشوف وجهك مرة أخرى عطيني لمفيد دبا وختاصر شنو باغي؟ قاليا سمعت بلي رجعتي لخدمتك لقديمة وخدمة أخرى هنا قلت يمكن محتاج فلوس جيت نعرضك ترجع لخدمتك فلصال ومعايا كيف لول.. خونا وجهو قاصح غلباتني ضحكة يحسابلي واش كيضحك خليتو واقف ودخلت راه باين لجواب ديالي لحمي مزال زرك من لقتلة لي شرالي بلعاني وجاي باغينا نرجعو كيف لول مهبول هدا..  قبل مندخل نقرا كان خاصني ندير واحد تيليفون ضروري لديك بنت ناس لي ساكنا معايا كين واحد لي عارفني رجعت للخدمة وعارف بهاد لخدمة لي مزال حتى مبديتهاش وبنت لعبد قالتلي بلي مبقاوش كيهدرو سيد طلع عارف علي...