لحك وغطاه الجزء الحادي والعشرين

لحك وغطاه الجزء الحادي والعشرين

لحك وغطاه الجزء الحادي والعشرين

خونا عندو واحد لوجه سبحان الله مكيبانش واش جاي ياخد فلوس لكرا ولا يعطيهم وجهو ممغوبش مضاحك كتحير لمهم طلعت معاه غادين محركين مهضرش معايا كاع حتى أنا مهضرتش أصلا مدرت والو لمهم وقف قدام واحد لمطعم دخلنا خونا بدا كيخشي فوجهو عاد بدا يهضر قاليا عجبتيني لبارح كتباليا ضريف وساهل يضحك علك لواحد كتفكرني براسي فاش كنت صغير داكشي علاش بغيت نوقف معاك راك ممحتاجش نوح شيك دلبارح كان خاصك نتا تاخدو كامل حيت نتا لي درتي لخدمة كلها علاش غتبقى تقسم معاه؟؟ رتاحيت ملي عرفت بلي غير على ود هادشي باغيني فلول قلت ليه بلي نوح هو لي دخلني لهادشي وكنتريني عندو كلشي عليه.. خونا ڭلع ليا لخاطر دلماكلا متعرفو واش ميفطر ولا كيقطع فشي يهودي سيد زربان قاليا غير هضرة تقدر من دبا تمشي لصال حسن ويدربك شي واحد محسن بقل من داكشي لي خدا نوح بزاااف.. خونا بحالا عارف بلي كينا شي حاجة بيني وبين نوح وكيباليا بحالا باغي يعاوني سو عاودت ليه لي كين من لول وبلي درية لي دارت هادشي هيا لي شافها واقفا معايا صباح خونا وهو يحبس لماكلا دفع طبسيل شويا وبدا كيضحك عليا قاليا واش منيتك فأشمن قرن نتا مزال شي واحد كيتهدد بتصاور شنو غادي يوقعلك كاع إلا خرجو.

 ودارت هادشي كامل وخليتيها تبات عندك فدار عندك شي خلل فدماغك؟؟؟ قلت ليه لا غير مكنقدرش نقول لا بزاف و لبلاصة لي جاي منها ودارنا مغاديش يتقبلو دوك تصاور أنا محاملش نعاود نشوفهم.. خونا وهو يقولي صافي ليوم نصيفط ليه لي يهضر معاه كون مرتاح دير تصاورك بحالا فجيبك من دبا. مخليتوش حتى يكملها ألا أسي خليني مني ليه مبقا ليا والو وغادي ناخدهم بالخاطر وغنبقى زوين معاه موراها غنحبس هادشي باش نكمل قرايتي. خونا قاليا صافي لي بغيتي هاك لكارط ديالي وقتما بدلتي رأي ديالك صونيلي ومغادي يكون غير خاطرك.. خرجنا وصلني لقدام لجامعة دخلت كنقلب على آية فرشتها معاها دبصح هاد لمرة هيا ضريفة وهازا ليا هبالي ليوما صافي عمرات لقفة مبقاتش قادا تصبر لمهم عرفتها فين داخلا بقيت واقف حدا لباب حتى خرجات بنت لعبد دازت من حدايا بحالا مكتعرفنيش تابعها وا بنت ناس واش منيتك وغير نقولك بعدا شنو كاين وسيري إلا بغيتي ديك ساعة.. والو حقدات صافي تانا مبغيتش نقجر عليها خليتها وتحركت لدار حتى تبرد على خاطرها وغتعيط لمهم رجعت لدار بدلت حوايجي وتحركت لعند نوح ناخد فلوسي دلبارح خونا مدلي شي فلوس أنا عارفها مجاتش حتى نص ديال داكشي لي ربحت لبارح خونا سمعني غادي نمشي باغي يعوض من دبا كيباليا غنعيط للأخر هو يتفاهم معاه.. لمهم بينما يعاود يعيطلنا سيد لي كيدخلنا رجعنا لروتين ديال لونطريما مبقيتش مشيت لمدرسة نخلع ختنى شويا كيوصلوني دروس حتال لدار وداوي مع لمدير قلت ليه بلي مريض مغاديش نجي واحد سيمانة تاهو مكيخصرش ليا لمهم كنتسناها تعيطلي عارفها كيف دايرا وداكشي لي دارت عيطات وبقات ساكتا ألو!! واهيا؟ وابنت ناس وهضري. والو قالت ليا مزيان ملي باقي حي وقطعات لبرهوشة صعييب تقلق ولكن فاس كتقلق كتولي بعكاكا. لمهم عاد عيطلنا سيد باش نمشيو لعندو مورا يوماين فلبلاصة صيفطت مساج للحية راه غادي نكون تما من هنا ليوماين وصيتيني نقولك هانا قلتهالك ولكن منك لراسك طلب زهرك أنا ممأكدش من راسي ومعارفش لي غادي نلعب معاه كيفاش غادي يكون.

 وصلات ليلة تانية ليا تما دخلنا بحال ديما بدلت طلعنا لتما بعدا مشاداش فيا لخلعة بحال لمرة لولا وحتى لي لاعب معايا مكبييرش عليا، ولكن كما كيقولو عندا لعود لي تحكرو يعميك سيد كيطير وخفيييف دارليا شي ضربات أنا تزعطت فيه وكيضرب غير لفوق يمكن هاديك أول مرة يتهرسلي نيفي ومع دالك كملت أنا عارف راسي كاموني حتى كنتطحن عاد كنعطي ريحة ساط حط كاع داكشي لي عندو أنا عااد سخنت فلخر رجعت ليه كاع داكشي لي دارلي بضوبل كنسمع لحية كيغوت من لخر دلقاعة وااضرب واضرب تانا حمرت ليه وجهو تاني ليلة غادي يدخل معايا فلوس خرجنا مشيت مع نوح هاد لمرة لعند واحد صاحبو شافلي نيفي وجهي عاد وصلني لدار.. لغد ليه مشيت هكداك لجامعة عندي حصة مع دراري لي تنخدم معاهم بنادم كيدوي تحت نيفو هدا مالو ديما مضروب فوجهو.. آية تاهيا تما مهضرناش كتسناني نقوليها سالينا ولا منعرف أنا راه أامبوستاحيل نديرها ختنى عاجباني وعارف راسي فرشتها لمهم سالينا لحصة تما خارجين وأنا نتبعها رجعتها بنت ناس مناوياش زعما يهديك الله دايرالي فيلم على والو درية معرفة قديمة وكنعرف مها جات لدار فوقت معطل دبصح ومعاقلاش على راسها ميمكنش نخليها تخرج هكداك هل هذه ليست أخلاقنا؟! وأخيرا هضرات و واحد صوت كبر منها قالت ليا واسير ضحك على شي واحد معندو عقل سيدة كتقولك ولفت لبلاصة وموالفا تجي لعندك ولابسا ليك تيشورت ديالك أنا لموت ديال لبرد معمرك فكرتي حتى تعطيني تا قبيتك غادي نقولك لا ولكن دير غير صواب أخويا مالنا سمحتلك على شحال من حاجة كدبتي فيها وحتى هادشي لي خدام كدير فيه بوجهك هدا بكلشي ولكن بديتي كتكتر عليا صافي لصبر حدود تلاقينا خوت نتفارقو خوت. صدمت كيفاش واش منيتك؟ غير كتضحكي؟! مزال مسخنتي حتى بلاصتك باغا تمشي؟ قالتلي معامن كنهضر نتا كلشي عندك ضحك سير قابل قرايتك وحالتك عاد نهضرو ديك ساعة.. حيدت ضحكة بنت ل.

 غا حتى تقلبات عليا 180 درجة كون كانت شي وحدة أخرى مغاديش نطول معاها لهضرة بحال هكداك ولكن دور فيا هكداك جات ناقصا مبغيتش نخصر لهضرة حيت معارفينش غدا شنو مخبي درت لبيرو جمعت شكارتي سديت لباب ورجعت لدارنا شاعل ديال بصح.. أنا مراشقا ليا على والو ودري لي معايا بارك كيسول فيا واش ندير ندير ماطيشا بالبيض ولا لبيض بماطيشا أنا كاعي وهو رااشقا ليه على ضحك واحد شويا وأنا نتبشر غير بوحدي غا حتى رشقاتلي صافي لواحد هو لي ينسى و يخلقها شويا باركين كنضحكو وهو يجي نوح جايبلي فلوسي جريتو يبرك معانا شويا بغيت ندوز معاه شويا دلوقت حيت شهر قرب يكمل مخاصوش ينساني عطاني لكلمة بلي غادي يعطيني كاع تصاوري وغادي نقلبو لورقة غادي يجيبها مع لعطلة غادي نهبط لدار نرتاح ونشوف لواليدة ولواليد توحشتهم موراها يحن الله.. مزال داوين وهو يعيطلي لحية سلام سلام قاليا شنو درتي لدرية؟ الله أودي أنا لي درت ليها؟ وراه صبناتني قدام بنادم لحمد لله غير ملي مكيفهموش هضرتنا أجي مالها بعدا؟؟ قالي والو ملي جات وهيا سادا عليها فبيتها نسولوها مالك كتقولك والو كنت عارف شي حاجة واقعا بيناتكم.. هاد لحية طلع قويويد شحااال كنت محتارمو قبب منزيد نتعرف عليه زعما بزااف على لأوبن مايند، لمهم قلت ليه بلي مناقشين شويا وصافي وهو يقطع. غير حطيت تيليفون من يدي وهو يقولي نوح ياسين وخا تخرج معايا واحد دقيقة باغي نهضر معاك؟قلتلو مرحبا خرجنا لحدا طوموبيل ديالو وهو يبدا كيتمتم يااودي تا هضر قاليا معرفتش كيفاش غادي نقولك هادشي ياسين عارف بلي نبقا والو ويكمل شهر لي تافقنا عليه ولكن أنا محتاجك تبقى معايا واحد شويا كتر متفهمنيش غلط غادي تصاورك وداكشي ديالك فالوقت لي تافقنا عليه شحال هادي أنا دبا كنطلبك تبقى معايا بخاطرك إلا بغيتي.

 مقدرتش نقوليه لا حيت حتال دبا مزال عندو تصاوري درت ليه خاطرو ديك ساعة قلت ليه أه وخا أنا مناويش نزيد معاه نهار واحد أخر حتى إلا رشقاتلي نكمل غادي نعيط لسيد لي كيدينا نيشان.. لمهم ساط قلت ليه أه وهو يتحرك عندو شي غرض يلاه غادي طالع لدارنا كنسمع ديك ياسييين صوت رطب وماشي آية كنتلافت كتباليا واحد سيدة تكون عندها ديك 45 بحال هكداك دايرا زيف باينا من وجها مغربية و معمري شفتها مكنعرفهاش..(يتبع2k)