لحك وغطاه الجزء التامن

لحك وغطاه الجزء التامن

لحك وغطاه الجزء التامن

جات مع دقيقة 90 كون زادت نغزة كانت غتلقاني مشيت وجايبا معاها خوها صغير درية بلدية اخويا خارجة عندي ببيجامة ديال دار وزيف حياتي مفهمتش تا كيفاش حازماه تقول رابطا يهودي تما وصابو ولكن كين ضو فلوجه بعدا لمهم سلام سلام عمتها قايلا ليها سميتي أنا كنقول غا ختي الأدب وصواب كيتقطرو جبدت ليها تيليفون ومساخيش بيه مشريتوش حتى لواليدة ولكن لعيب مني أنا لي مضيع لي صيفطات ليها عمتها..

 يلاه باغي نتحرك وهيا تسولني عمتي كيف دايرا؟ وفنفس لوقت عطات لخوها درهم سير شري ليك شي حاجة لبعلوك طار للحانوت ومع لساني توحش لهضرة بالعربية مبقيتش كنسكت سولاتني كيف دايرا عمتها وليت معاود ليها بتفاصيل عمتها فين خدامة وكلشي شي تلت ساعة وحنا داوين لبرهوش ديال خوها وليت شاك فيه مات ولا تخطف دري وخا تكون عطاتو ألف درهم ميتعطلش ديك تعطيلا. كان خاصني نتحرك لدار باش نتغدا قلت ليها سمحيلي خاص نمشي قيدي نمرتي إلا كانت شي حاجة فتيليفون خاسرا عيطي ليا قالتلي ديجا عندي خديتها من عند عمتي باش نصونيلك ليوم ساعة لقيتك واقف. غادي خارج من درب لقيت خوها بارك كلعب بالبي إييييه عولنا عليك بكري..

 وصلت لدار لقيت لواليدة بااركا كتسناني لا غدا لا والو مموالفاش ليها قلت ليها مالك جاوباتني ب وايميل حالك ههههه شحاااااال مسمعتش هاد لجملة مزال كنضحك وهيا تقولي واش حنا مصيفطيفك تقرا ولا دابز صافي حسي تقطع هبطت ريق غير بزز ناري كيفاش عرفات هادي؟ يلاه غنبدا نڭر ليها وهيا توريني تيلي لفيديو ديال لمدرسة سولتها شكون سيفطو ليك وخا عارف كينا غير وحدا لي عندها لفيديو تقدر تصيفطو ليها علاش الله أعلم بقيت كنقوليها بلي موقع والو وتصالحت مع دري وهيا والو تقول كنخوي لما فرملة كتحلف ليا متبقى تحط رجلك تما كنحمد الله معارفا والو من غير هاد لفيديو لي وصلها. وفديك دقيقة كيدخل لواليد كيدندان راشقا ليه قالت ليه أجي تشوف ولدك كتقولي متخافيش عليه راه راجل وبعقلو ولفضايح لي داير تما.. لواليدة كتشوه فيا على هاد فيديو لي متقصتش فيه كون شافتني فين خدام وضرب لي كناخد يمكن يسكتلها لقلب، لواليد كيتفرج فلفيديو قلت ليه لواليد هضر واش مندافعوش على راسنا كنتسنا رد لفعل ديالو غير شاف ضربة وهو يهز عينو فيا قاليا أنا لي واجب عليا نقولك لواليد دبا كيدرتي ليها؟ فوتوشوب هادشي؟ بلاتي بلاتي نعاود نشوف..

 لواليدة وهيا تجر تيليفون قالت ليه واااكبر فعقلك واش غنربي لبرهوش ولا غنربيك نتا حلفاتلي ما غادي نرجع لتما ودخلات للكوزينة وهيا تصقل لقضية لواليد وهو يشوف فيا صافي البرهوش هادشي لي باغي؟ كتجبدلنا غير صداع عندك هاد لفيديو فتيلي عطيني نتفرج تاني هادي مخلاتنيش نشوف مزيان قلت ليه ضروري بقا كيتفرج ويعاود فنفس لجملة داك شبل من ذاك الأسد مغاربة ضروري يدخلو حمارتهم لأسبوع لفرس لواليد حتى سمع لواليدة راجعا تاني عاد بدا كيهضر بعقلو قاليا لا هادشي لي درتي ممزيانش وبعيد علينا منقدوش نعاونوك خاصك تبعد على لمشاكل و.. بقيت داك نهار كامل وأنا كنخطب على لواليدة بنفس لهضرة لفيديو راه قدييم ودري ولا صاحبي دبا بزز باش بردتها شويا. لحاجة لوحيدة لي متفهماتش ليا علاش ديك خيتي صيفطات ليها لفيديو وهيا عارفاه قديم وهضرت معاها زعما وحلفاتلي مغتقولها لواليدة كنت باغي نصوني ليها نسب ليها لعروق غا حشمت وخا هادشي لي دارت كتبقى كبر مني و وقفات معايا فواحد لوقت. لغد ليه فايق يلاه بارك تنفطر لواليد ولواليدة خدامين بارك بوحدي لكيت فودني كنهضر مع نوح بدا كيسول فيا إمتى غادي ترجع هو سؤال وطلب فنفس لوقت قلت ليه مزال معطل شويا مقالي والو ولكن باينا من صوتو بدا كيكعا خونا مزال مسخنتش حتى بلاصتي باغيني نسافر تاني لواليدة ولواليد إلا مكملتش معاهم شهر على لأقل قبل منرجع يقدرو يحرقولي لوراق. بقيت كنهضر معاه قلت ليه بلي غير غنرجع غادي نعوضو هاد لوقت وبلي تانا توحشت داك لجو ولكن خاصني نبقا مع عائلتي شويا صافي تاهو تفهم. يلاه غندخل ندوش باش نرجع ندير دوزيام ميطا دنعاس وهو يصوني تيليفون نمرة ديال لبلاد ولكن مكنعرفهاش ديك ساعة دارتلي لبنت دلبارح طنن فدماغي كنت كنتسنا شي مساج من لبارح ومتأكد غيوصل ماشي على ود جمالي طبعا حيت مكيفهموش ليه هنا، ختنا غتكون سمعات لقراية على برى قالت صافي دري لباس عليه..

 هادشي لي طاحلي فبالي أنا بعدا . جاوبتها بقينا داوين شويا بدون موضوع غير كندخلو ونخرجو فالهضرة سولاتني فين سافرتي وخرجتي هاد لعطلة قلتلها لا غير دار من نهار جيت سيليباطير معندنا معامن نخرجو. تفوووو نااري كون كان حدايا شي موس نقطع داك لسان لي غير كيلوح فلكلام بلا ميزان من جدر ديالو دبا غيحساب ليها أنا شي محروووم درية صقلات واش كتسناني نعرضها ولا غير تصدمات وكتضحك عليا أنا معرفتش يلاه غنقطع ونبلوكي نمرة ونضرب راسي مع أقصح حيط قريب إلا كان شي زهر زعما و نفقد داكرة وهيا تهضر قالت ليا أنا ليوم فلفاك إلا بغيتي تجي تبدل لجو.. 

صافي منقدرش نقول لا ديك ساعة نعتاتلي لبلاصة بدلت حوايجي وخرجت طريق كلها وأنا كندم فراسي حتى وصلت تما تخلعت أنا مخلي هادشي هنا وغادي حتال لخر دلعالم يلاه غنجبد تيلي نعيطلها وهيا توقف عليا معرفتهاش ممتيقش بلي هادي هيا لي كنت واقف معاها لبارح بزيف حياتي وصابو شبكة وبيجامة غليضة متعرفها واش درية ولا دري دبا مخرجا سلعة عل برى للكليان يشوفو لبارح كانت سادا المحل..(يتبع2k)