لحك وغطاه الجزء التاسع

لحك وغطاه الجزء التاسع

لحك وغطاه الجزء التاسع

لمهم بنت ناس تبدلات 180 درجة من لبارح لليوم بقينا غير تندورو تما خرجنا نتغداو على برا غادي معليا مبيا حتى كيوقف ليا طوبيس عامر بنادم عند نيفي كيحساب ليا غير واش هيا لي شيراتلو كيتحل لباب لواليد سايق قاليا ياسين تبارك الله علك. طلع طلع أنا بقاتلي غير هاد دورة ونمشيو لدار..

 بس طوبيس عاامر بنادم كلشي كيشوف نموت ومتنساليش ديك لحظة شوهنا مع درية طالقها عليها زعما لعاقة ولغربة قلت ليه لواليد غير سير مزال معطل أنا واش كيحساب ليك غيسد لباب ويمشي لااا ماشي لواليد لي يديرها قاليها تهلاي ليا فدري راه غير هبيل بنادم كيضحك لور نارييي شدونيي عليه.. عطيوني شي حجرة.. قلبتها ضحك في محاولة أخيرة باش نصلح لموقف قلت ليه أجي هبط نتا تغدا معاها حسن انا نكملك سربيس ديالك. سد لباب غادي وكيضحك عليا دبا هدا واش لي يدير معاك هكدا تعاود تقوليه با حطمني مبقيتش عارف شنو نقول لدرية موحال واش تخليني نقيص حتى صبعها صغير دبا وبالفعل دخلنا لواحد ريسطو وهيا تدخل لحمام دقيقة وخرجات قالت ليا ماما عيطاتلي خاصني ضروري نمشي.. قلت ليها خودي راحتك غير خرجات وأنا ندور تيليفون للواليد مزال كيضحك نعتليه لبلاصة باش يجي خديت عصير بقيت عاصر بيه تما حتى جا صدقت مغدي على حسابو فابورديال الله لواليد هدا معندي منقوليه كون كان شي صاحبي يدير ليا هكداك نقدر نبقا معاه عريان نشوهو تانا غير هبيل. درية لا مساج لاوالو تقول غير تفاوتات عليا مسحات نمرة.. كملت داك شهر معاهم وغادي نرجع نوح فلقلي راسي كل نهار يعيط لواليد بدات كتشك كتسمع تيليفون مكيسكتش و كنهضر بلونغلي قلت ليها غير صحابي قالتلي بزااف على صحاب كل نهار. عدلت دوك لوريقات وبديت تنجمع حوايجي غادي مخفف هاد لمرة غا لا ملقيتش مول دار لاحلي حويجي لي خليت فزنقة.. نرجعو لتما أخويا لناس لي يفهمو زيني لواليدة نفس لفيلم ديال لمرة لولا كندوزو ديك سيمانة لخرا بحال شي فيلم ديال دراما. موصليني لمطار بحال ناس مع ناس لواليد بارك كيقوليا دبر على راسك تما بغيت نشوف عوينات زرقين فدار قبل منموت لواليدة وهيا دير فيه وااحد تخنزيرة حسيت بيها غادي تبدا تشرح فيه وهو يقولي حفاد حفاد عينيهم زرقين الله يرضي علك. معقلتش على ديك تسافيرا غير حطيت بيسي قدامي تفرجت ففيلم داني نعاس حتى فيقوني مرحبا راك وصلتي خديت حوايجي خرجت لقيت نوح كيتسناني خونا عصبتو هاد لعطلة كان يحسابلي غادي يجمعني بشي شمال وهو يعنقني قاليا صافي مغاديش نخليوك تعاود ترجع لتما على هاد لغبرة لي درتي. نخليوك؟ قاليا أه كلشي كيسول علك وبالأخص كريستينا راك وليتي بحال خوها صغير.. أهاا خوها صغير مزيان مزيان.

 تحركنا وصلني لدار دخل معايا دار كيما خليتها بركت كنرتاح وخونا داوي كيقوليا وجد راسك غدا غتجي لصال بكري باش نخدمو مزيان عندنا ميدار فالأيام جايا نعوضو هادشي لي غبرتي فيه ولمدرسة جايا تاني.. غير خرج عيكت على لواليدة علمتها بلي وصلت ودرت بديك دار عاد نعست محطيت والو ففمي حتال لغد ليه صابح بحال شي غول لي جات بسم الله فطرت فطريقي لصال دخلت لقيت دوك دراري صغار لي كنخدم معاهم كيتسناوني لبراهش عنقوني وتوحشناك قلبي صغير لا يحتمل صافي دبصح موحال واش نرجع لديك لبلاد لكحلة كملت معاهم خرجو عاد جا عندي نوح قاليا بلي ليلة غادين نمشيو لديك لبلاصة جديدة لي عاودلي عليها وخا يلاه جاي ولعطلا كلها مكين غير تغماس ونعاس قلت ليه مرحبا توحشت داك لجو وكيعاودلي لقدية زاهية وعامرا كتر من لول تغدينا تما متفرقناش حتى تحركنا فليل لتما كنحس برجليا كيترعدو أنا متشائم من لبدية ديال ديك ليلة يلاه وقفنا تما كيباليا واحد صلع عملاق واقف كيسب ليهم فلعروق تواحد مقاد يدخل بسيف عليهم سيد لبرا فيدو كبر من راسي واقف معليا مبيا حتى كيدفعني نوح شفت فيه هل تمزح معي بحق ربك(جزء برعاية إم بي سي2) خونا بارك عليا تقد عليها أنا صباعي مبقيتش قاد نكمشهم و لفاس وقعات فراس صافي بقيت غير أنا وداك صلع تما كنت غنطيح على بكابيا ونبدا نزاوك ديرني بحال ختك صغيرة ورحمني سيد معطلنيش واحد شمال جبت نص دورة فسما جيت على كتفي مبقيتش قاد نوض وأصلا وخا نقدر منوضش سيد مخلانيش هبط عليا بشيي ضريات باش غتكالي على وجهك أحمادي غيولي مهرسني من ليد لأخرى جروه غير بزز فينما كناكل شي قتلة كنقول معمري كليت بحالها ولكن ديال داك نهار مكينش بحالها تقول ضارب مي تران طلعت لطوموبيل مع خونا فبلاصة ميجري بيا لصبيطار بارك تيهضر ونتا لي ترخيتي وخليتيه يدير ليك هكدا جمعت شويا ديال جهد لي باقي عندي وأنا نتفركع عليه معمري سبيت شي واحد هكداك بالعصاب خلطتها دارجة وكلشي قاليا صافي صافي غنديك عندك كريستينا تديرلك شي حاجة لوجهك وكتفك وغتولي بيخير قلت ليه ديني حطني قدام دار عندي ونسا نمرتي من ليوم متعاودش تعيط ليا. وقف قدام دار مسورت طوموبيل كيقوليا صافي موقعلك والو يوماين غادي تبرا أول مرة تخسر عادي كاع كتوقع لينا.. خونا باغيني مزال نغسل ليه ودنيه وأنا مبقاش عندي جهد واش نتا كتشوف فيه صدرو ودراعو تقل مني كامل ودافعني عندو شنو كتسنا يوقع حل ليا لباب ولا غنهرس جاجة. 

حل ليا لباب طلعت لدار بزز باش غسلت وجهي مبغيتش نشوفو فلمراية معرفتش كيفاش حالتو لالة زينة وزادها نوار لحمام طايح فوق لفوطاي كنسمع دقان نص نهار باش حليت لباب لقيتها عشيرتو كنت غندور فيها ونسد لباب ولكن معارفش مالي باغي نرجع ولحرارة صافي لموت مخاصنيش نبقا بوحدي وسيدة كانت كتقرى طب غير مكملاتش دخلنا لبيت ليلة كلها وهيا سهرانة معايا بعدا طلعات رجولة على خونا مهزش حتى تيليفون باش يسول فيا كيف بقيت لغد ليه جراتني بزز لصبيطار مبغيتش نمشي غيبقاو سين وجيم قالتلي بلي غنمشيو لصبيطار خدامة فيه مها غادي تكلف بكلشي قلت ليها وخا بدلت حوايجي وخرجنا لصبيطار مها فرماجة مقشرة عيني مسدودة ولكن ممحتاجش عينين باش نشوف نور خارج ليها من وجها شعر زعر وحد لكتاف مها حنينة راه قالوها دياولنا قلب لبرمة على فمها تطلع لبنت لمها سيدة خدامة معايا وفنفس لوقت كتهدر مع بنتها على ما فهمت شحال مشافتها كتخاصم عليها كون كملتي قرايتك كون راك خدامة دبا كعما كتضيعي لوقت مع بحال هاد لأشكال كتهضر عليا منطقتش مسامحها أنا قبل متغلط فيا كملات خرجت وخليتهم بزوج واحد شويا عاد تبعاتني غادين لدار قالت لي نعاودلك واحد لحاجة ومتعصبش قلت ليها دوي وهيا تقولي بلي داك لي ضربني عشير نوح وهو لي كيمشي معاه هاد لعطلة كلها كاع لي تما سلخهم حتى مبقا تاشي واحد كيلعب معاه داك لتما وهو عارف هادشي غادي يوقعلك صدماتني أنا كنت عارف لقضية فيها إن قلت لمول طاكسي يدينا لعنوان دلصال وهيا تقول ليه لا غير كمل طريقك بقات كديرلي عقلي لا نتا مريض بعد عليه وعلى لمشاكل وهادشي لي غادي ندير حتى أنا تخاصمنا قبل منجي لعندك و كنت باغا نسولك واش نقدر نبقى معاك شي أيام حتى نعرف واش غنرجع لدارنا ولا شنو غندير فلبلاصة قلت ليها أه فلبلاصة وخا دار أنا مغنلقاش باش نخلص كراها ودري لي معايا غادي يرجع بغيت خونا يعرفها معايا نرجع ليه غير شويا من فعايلو وصلنا لدار أنا هبطت وهيا كملات مع مول طاكسي باش تجيب حوايجها من دار خونا درت صواب قلت ليها نمشي معاك قالتلي لا غير سير رتاح طلعت لدار شاد تيلي لواليدة كتصوني أبيل فيديو قطعت وعيطتلها فوكال سلام سلام مكين باس أولدي؟ جاوبتها والو باس قالتي لا هضر هضر مالك مباغيش تجاوب فلفيديو لبارح عيت منعيطلك قلبي كان مشدود وزدتي عليا فاش مجوبتيش كنت غادي نمشي لبوليس كونما باك قالي غيكون غير كيرتاح..

 قلت ليها واش بصح؟ بقات كتحلفلي وااع لحناانة واش غير جي وتكون لجنة تحت رجليك قلت ليها راه مكين والو غير رتاحي كاميرا ديال تيليفوني خاسرا عاد غنديه يتقاد معندي باس بقينا كنهدرو حتى رجعات لبنت جابت حوايجها وكتدق فلباب..(يتبع2k)